close-icon
location-icon
Ваша страна [USA]?
Are you from [USA]?
yes
Select your country
USA
Azərbaycan
Беларусь
Eesti
Georgia
Казахстан
Latvijas
Lietuvių
Молдова
Polska
Россия
Україна
USA
International | English
International | Русский
yes

წინამდებარე ვებ-გვერდი იყენებს „ქუქის“ და ინფორმაციის შეგროვების სხვა საშუალებებს. წინამდებარე ვებ-გვერდის შემდგომი გამოყენებით თქვენ აცხადებთ თანხმობას, გამოიყენოთ „ქუქის“ და სხვა შესაბამისი საშულებები.

ქუქის პოლიტიკა

ეტიკეტეტი და ბოთლები

ეტიკეტეტი და ბოთლები

ბოთლი „ბორჯომის“ განუყოფელი ნაწილია. მისი მახასიათებლები ყველასათვის ცნობილია წლების მანძილზე - მოცისფრო-მომწვანო მინა ან პლასტმასი, განთქმული ირემი - ბორჯომის ხეობის სიმბოლო და მთელს მსოფლიოში ცნობილი საფირმო ეტიკეტი.

ამ მინერალური წყლის 130 წლიანი ისტორიის მანძილზე ბოთლის ფორმა რამდენჯერმე შეიცვალა. თუმცა, უკვე საბჭოთა პერიოდში, საბოლოოდ შეირჩა დღესდღეობით ყველასათვის ნაცნობი ფორმა და განისაზღვრა დღევანდელი „ბორჯომის“ იერსახის განმსაზღვრელი „ატრიბუტები“. 2017 წელს კი „ბორჯომის“ პორტფელს ახალი შეფუთვა - ალუმინის 0.33ლ-იანი ქილა შეემატა.

ეტიკეტეტი და ბოთლები

ეს „ბორჯომის“ერთ-ერთი პირველი ბოთლია, რომელიც სპეციალურ სადგამზეა მოთავსებული.

ბოჯრომში სპეციალურად მოწვეულმა ქიმიკოსმა ფ. მოლდენჰაუერმა ბოთლებში ჩამოსხმული მინერალური წყლის ქიმიური და ფიზიკური თვისებების შენახვის მეთოდი შეიმუშავა. ამ პერიოდიდან, ანუ 1900 წლიდან, სწორედ ამ ბოთლით, „ბორჯომი“ მსოფლიოს დაპყრობას იწყებს. ფ. მალდენჰაუერის მეთოდით, მინერალური წყლის ნახშირმჟავა გაზით გაჯერება ხდებოდა, ეს კი საშუალებას იძლეოდა შეენარჩუნებინათ მასში ყველა სასარგებლო ელემენტი. სწორედ, ამ მიგნებამ გახადა შესაძლებელი „ბორჯომის“ ექსპორტზე გატანაც.

XX საუკუნის დასაწყისის ბოთლები: ეტიკეთით და უეტიკეტოდ.

მარჯვნივ მდგომ ბოთლში ნათლად ჩანს, რომ მასში დარჩენილია იმ პერიოდში ჩამოსხმული „ბორჯომი“. XX საუკუნის დასაწყისში, ბორჯომის ხეობის უნიკალური მინერალური წყალი სხვა ქვეყნებსაც იპყრობს და უამრავ ჯილდოს იღებს (პრემიები, დიპლომები, სიგელები), საერთაშორისო გამოფენებზე ბელგიაში, რუსეთსა და გერმანიაში.

XX საუკუნის დასაწყისის ბოთლები

ასე ამოწმებდნენ მინერალური წყლის „ბორჯომის“ ბოთლების ხარისხს მინის ქარხანაში (1905 წლის ფოტო).

„ბორჯომის“ სახელი მთელ მსოფლიოში ქუხს

„ბორჯომის“ სახელი მთელ მსოფლიოში ქუხს. უძვირფასესი წყლის თითოეულ ბოთლზე დიდი მოთხოვნაა, წუნის დამშვებს მკაცრი განაჩენი ელის. ხარისხის კონტროლი მზარდი, მიზანმიმართული ტემპების მქონე საწარმოო პროცესის განუყოფელი ნაწილია. 1905 წელს, როცა ეს ფოტო გადაიღეს, „ბორჯომის“ ჩამომსხმელი ქარხანა უკვე მექანიზებულია და ექსპორტის მაჩვენებელი, იმ დროისთვის რეკორდულია - 320 000 ბოთლი წელიწადში!

პირველი ჩამომსხმელი ქარხნის მაკეტი (ოფიციალური ექსპოზიცია - ბორჯომის მხარეთმცოდნეობის მუზეუმი).

სწორედ ამ ქარხანაში ხდებოდა „ბორჯომის“ მინის ბოთლებში ჩამოსხმა. ბოთლებში, რომელსაც იმ პერიოდში ხელით ბერავდნენ, დღის სინათლეზე ამოწმებდნენ, რომ გამოერიცხათ წუნი და მხოლოდ ამ პროცედურების გავლის შემდეგ იწყებოდა ჩამოსხმის პროცესი. ჩამომსხმელი ქარხნის მშენებლობა 1894 წელს დასრულდა და ХХ-ე საუკუნის 50-იან წლებამდე გამართულად იმუშავა. 1953 წელს კი ამ ტერიტორიაზევე ახალი ქარხანა აშენდა.

1907-1909 гг.

საბჭოთა პერიოდის დროინდელი „ბორჯომის“ ბოთლების კოლექცია. 1907-2000 წლების ეტიკეტები.

საბჭოთა კავშირის დროინდელი ეტიკეტის დიზაინი დიდი სიფრთხილით იცვლებოდა რათა, არ დაკარგულიყო „ბორჯომის“ სიმბოლიკის ცნობადობა. წლებთან ერთად „ბორჯომი“ ნელ-ნელა კრემლის ოფიციალური პროტოკოლის განუყრელი ნაწილი ხდება. არც ერთი უმაღლესი დონის შეხვედრა არ ტარდება ქართული მინერალური წყლის გარეშე.

პოპულარული მინერალური წყალი ნელ - ნელა ჩნდება ბევრ საბჭოთა და მსოფლიო დონის ფილმში („ბორნის ულტიმატუმი“, „სოლარისი“, „ტერმინალი“, „ზღვარზე“ და სხვა).

„ბორჯომის“ ერთ-ერთი პირველი ეტიკეტი (1907-1909წ.)

ეს ეტიკეტი გამოიყენებოდა მხოლოდ ადგილობრივ ბაზარზე რეალიზაციისათვის. ეტიკეტის ქვემოთ იყო წარწერა „ეკატერინეს წყარო“. ეს წარწერა გვახსენებს 1841 წელს: როცა მეფის რწმუნებული ისეთი აღფრთოვანებული იყო ამ მინერალური წყლის ეფექტით, რომ ერთ-ერთ წყაროს მისი შვილის სახელი - „ეკატერინეს წყარო“ დაარქვა, ხოლო მოგვიანებით, მეორე წყაროს თავისი სახელი - „ევგენის წყარო“ უწოდა.

XX საუკუნის დასაწყისის ბოთლები

„ბორჯომის“ ერთ-ერთ პირველი ეტიკეტი (1907-1990წ.). იგი გამოიყენებოდა მხოლოდ ექსპორტისთვის.

ინფორმაცია ეტიკეტზე ძირითადად ფრანგულ ენაზე იყო (დახასიათება, შემადგენლობა, თვისებები). ეტიკეტზე რუსულ ენაზე არსებული წარწერა შეიცავდა მოკლე ინფორმაციას

„ბორჯომის“ დადებითი თვისებების შესახებ და მიანიშნებდა მის მსგავსებაზე ფრანგული წყაროს წყალ „Vichy”-სთან.

პირველი საბჭოთა საექსპორტო ეტიკეტი (1950წ.)

„ბორჯომის“ ჩამოსასხმელი ქარხანა, რომელიც ჯერ კიდევ ნიკოლოზ რომანოვის დროს აშენდა, მეოცე საუკუნის 50-იან წლებამდე ფუნქციონირებდა. ადგილობრივ და უცხოურ ბაზრებზე, „ბორჯომზე“ მზარდი მოთხოვნის გამო, ძველი ქარხნის მახლობლად აშენდა იმ პერიოდისათვის თანამედროვე „ბორჯომის“ ჩამომსხმელი ქარხანა N1(1953წ.) უკვე 1961 წელს, „ბორჯომის“ ექსპორტის მასშტაბები საგრძნობლად გაიზარდა. ამ უნიკალურ მინერალურ წყალს უკვე 15 ქვეყანაში იცნობდნენ, მათ შორის: ამერიკის შეერთებულ შტატებში, საფრანგეთში და ავსტრიაში...

სახელმწიფო ეტიკეტი 1953 წელი.

„ბორჯომის“ ბოთლი, სწორედ ამ ეტიკეტის არსებობის პერიოდში, ქვეყნის ყველა ოფიციალური შეხვედრის განუყოფელი ნაწილი გახდა. შეხვედრების და პოლიტბიუროს სხდომების ამსახველი კადრები, სადაც მაგიდებზე თავმომწონედ იდგა „ბორჯომის“ ბოთლები, მუდმივად ვრცელდებოდა საბჭოთა დროის საინფორმაციო გადაცემა „ვრემიაში“, რომლის ყურებაც სხვათაშორის იმ პერიოდში აუცილებელი და სავალდებულოც კი იყო. სწორედ ამ აღიარებამ უზრუნველყო ქართული მინერალური წყლის „ბორჯომის“ პოპულარობა მთელ საბჭოთა კავშირში.

„ბორჯომის“ ერთ-ერთ პირველი ეტიკეტი (1907-1990წ.). იგი გამოიყენებოდა მხოლოდ ექსპორტისთვის.

ადგილობრივი ეტიკეტები 1960 წელი

ამ პერიოდში „ბორჯომი“ უკვე ხდება საქართველოს სავიზიტო ბარათი. ქართული, უნიკალური მინერალური წყლის სახელმა მთელი მსოფლიო მოიარა. ამან კი თავის მხრივ უზრუნველყო „ბორჯომზე“ მოთხოვნის მუდმივი ზრდა. ჩამომსხმელი ქარხანა 100%-ანი დატვირთვით მუშაობდა. რაც შეეხება ბორჯომის კურორტს, იგი ერთ-ერთ ყველაზე ელიტურ დასვენების ადგილად გადაიქცა, რადგან აქ, საოცარი ბუნების გარდა, პირდაპირ წყაროდან შეიძლებოდა „ბორჯომის“ დაგემოვნება.

საექსპორტო ეტიკეტი 1960 წელი.

„ბორჯომის“ ჩამომსხმელი ახალი ქარხანა, რომელიც 1953 წელს აშენდა, სრული დატვირთვით მუშაობს, იმისთვის რომ დააკმაყოფილოს მუდმივად მზარდი მოთხოვნა ქართულ მინერალურ წყალზე. თანდათანობით ნათელი ხდება, რომ საწარმოს გაფართოება, ახირება კი არ იყო, არამედ აუცილებლობა, და უკვე 1969 წელს, მუშაობას იწყებს ჩამომსხმელი ქარხანა № 2. ჯერ კიდევ, 1961 წელს , „ბორჯომის“ საექსპორტოდ ჩამოსხმული ბოთლების რაოდენობა, იმ დროისთვის რეკორდულ ციფრს - 423 ათასი ბოთლს შეადგენს.

საექსპორტო ეტიკეტები 1970- 1989 წლები.

ადგილობრივი ეტიკეტები -1970 – 1980 წლები.

საექსპორტო ეტიკეტები 1970- 1989 წლები.

80-იანი წლები უხვი და ბარაქიანი აღმოჩნდა „ბორჯომის“ მინერალური წყლისთვის. 1957 - 1978 წლებში „ბორჯომის“ საბადოს ტერიტორიაზე ჩატარებული საბურღი სამუშაოების შედეგად, „ბორჯომის“ მოპოვების საზღვრები მნიშვნელოვნად გაფართოვდა. გაიზარდა იმ ჭაბურღილების რიცხვი, საიდანაც ხდებოდა წყლის მოპოვება. შესაბამისად, გაიზარდა პროდუქციის რაოდენობა: 80-იან წლებში, წელიწადში, დაახლოებით 400 მილიონი ბოთლი „ბორჯომი“ ისხმებოდა.


პირველი ჩამომსხმელი ქარხნის მაკეტი

ეტიკეტი 1990 წელი.

საბჭოთა კავშირის დაშლა და ამის თანმდევი არასტაბილური ეკონომიკური მდგომარეობა საქართველოში, „ბორჯომის“ ჩამოსხმაზეც აისახა: 5 მილიონი ბოთლის წარმოება წელიწადში, ყველაზე დაბალი მაჩვენებელი იყო ამ ბრენდის არსებობის ისტორიაში. მიუხედავად ამისა, ისინი ვინც „ბორჯომის“ ბრენდით იყვნენ იმ პერიოდში დაკავებულნი, ცდილობდნენ ოპტიმისტურად ეფიქრათ მომავალზე, გულისყურით, თავდაუზოგავად, რუდუნებით ეპყრობოდნენ საწარმოოო პროცესების ყველა ეტაპს.

ქართული მინერალური წყალი „ბორჯომი“ - ნაციონალური ფასეულობაა, რომლის გადარჩენას, დაცვას და შენარჩუნებას ქვეყნისთვის ყველაზე რთულ პერიოდებშიც კი ცდილობდნენ.

Georgian Glass & Mineral Water Co. N. V. - პერიოდის „ბორჯომის“ პირველი ეტიკეტები.

 1995 წელი „ბორჯომის“ უახლესი ისტორიის პირველი ეტაპი გახდა. სწორედ მაშინ დაფუძნდა კომპანია Georgian Glass & Mineral Water Co. N. V. - რომელმაც თავის თავზე აიღო ბრენდის წარმოება და განვითარება. საწარმო საინტერესო გახდა უცხოელი ინვესტორებისთვის (EBRD, მსოფლიო ბანკი, ჰოლანდიური ფონდი “ING Barings”). მოზიდულმა ინვესტიციებმა შესაძლებელი გახადა ორივე ჩამომსხმელი ქარხნის მოდერნიზება . უმოკლეს დროში „ბორჯომი“ მინის ბოთლებში ჩამოისხა და ლეგენდარული, საყვარელი მინერალური წყალი მომხმარებელს დაუბრუნდა.

გოლოვინის პერიოდი

1816 წ. ბორჯომის ველის მახლობლად, ქალაქ გორში ხერსონის გრენადერთა პოლკი განლაგდა. სწორედ ამ პოლკის ჯარისკაცებმა აღმოაჩინეს „ბორჯომის“ წყარო.

1834 წ. ხერსონის ჯარისკაცებს ქართველი გრენადერები შეუერთდნენ. პოლკის ექიმმა ს. ამიროვმა დაიწყო მინერალური წყლის თვისებების შესწავლა, მან პირველმა გააგზავნა წყლის სინჯები სანქტ-პეტერბურგისა და მოსკოვის სამედიცინო დაწესებულებებში ლაბორატორიულ კვლევებზე.

1841 წ. მეფის ნაცვალმა კავკასიაში, ევგენი გოლოვინმა, ბორჯომში სამკურნალოდ თავისი ქალიშვილი ეკატერინე ჩამოიყვანა. მისი განკურნების შემდეგ კი წყაროებს ევგენისა და ეკატერინეს წყაროები უწოდეს.

1842 წ. ექიმმა ამიროვმა გოლოვინს თხოვნით მიმართა, ბორჯომში კურორტი მოეწყოთ. იწყება ბორჯომის ინფრასტრუქტურის განვითარების პერიოდი.

საინტერესო ფაქტები

ძველი ქართული ლეგენდის თანახმად, სიტყვა ბორჯომი ორი სიტყვისაგან - „ბორჯ“(მყარი კედელი) და „ომი“ (ომი) შედგება. ხშირი ომიანობის დროს ბორჯომს მისი ხელსაყრელი მდებარეობა, ხეობაში ციხე-სიმაგრესავით იცავდა. ხეობის ფერდობებზე კი აშენებული იყო სათვალთვალო კოშკები.

ვორონცოვის პერიოდი

1846 წ. მეფის ახალმა ნაცვალმა კავკასიაში, მ. ვორონცოვმა ყურადღება მიაქცია ბორჯომის ხეობასა და მინერალურ წყლებს. კურორტი თავის საზაფხულო რეზიდენციად აქცია. მან ააშენა სახლები, აბაზანები, პარკები, ეკლესიები, სასტუმროები, ხიდები და გზები. გაიყვანა სატელეფონო ხაზი და დაამყარა საფოსტო კავშირი მაშინდელ ტიფლისთან.

1850 წ. განხორციელდა წყლის წარმოებისა და მისი ექსპორტის პირველი მცდელობა. ადგილობრივი ლაზარეთის აფთიაქარმა, ზახაროვმა, 1300 ოვალურ, ნახევარლიტრიან ბოთლებში ჩამოასხა მინერალური წყალი და გასაყიდად მაშინდელ ტიფლისში წაიღო. ამ პერიოდს უკავშირდება ბორჯომში მინერალური წყლების პარკის გახსნა.

საინტერესო ფაქტები

„ბორჯომი“ თავისი უნიკალური შემადგენლობით და საოცარი თვისებებით ტოლს არ უდებს ისეთ ცნობილ წყლებს, როგორიცაა, Vichy-Grande-Grille მინერალური წყალი საფრანგეთში და სილეზის წყარო გერმანიაში. შემთხვევითი არ იყო, რომ ასი წლის წინ ბორჯომის ხეობაში მდებარე კურორტს ევროპელები „რუსულ ვიშის“ უწოდებდნენ.

რომანოვის პერიოდი

1862 წ. კავკასიაში ახალი მეფის ნაცვალი, თავადი მიხეილ რომანოვი დაინიშნა, რომელიც ბორჯომს საზაფხულო რეზიდენციად ირჩევს. იწყება კურორტის კაპიტალური აღმშენებლობის პერიოდი, კარლსბადის და ვიშის დონის ინფრასტრუქტურით. პარალელურად, რუსეთის ავტორიტეტულ დაწესებულებებში შეისწავლება „ბორჯომის“ მინერალური წყლის სამკურნალო თვისებები.

1890 წ. მინერალური წყლების პარკში ამუშავდა პირველი ჩამომსხმელი ქარხანა.

1896 წ. გაიხსნა პირველი მინის ქარხანა, რომელმაც, დროთა განმავლობაში, წელიწადში 10-12 მლნ ბოთლის გამოშვება დაიწყო.

1899 წ. ბორჯომში დაიწყო პირველი, 3 000 ცხენის ძალის მქონე ელექტროსადგურის მშენებლობა, რომელიც ელექტროენერგიით ამარაგებდა ბორჯომს და სამ მეზობელ რაიონს.

1900 წ. ბორჯომში მიავლინეს ქიმიკოსი ფ. მოლდენჰაუერი, რომელმაც შეიმუშავა ბოთლებში ჩამოსხმული წყლის ფიზიკური და ქიმიური თვისებების შენახვის მეთოდი. მეცნიერმა წყალი ნახშირორჟანგა გაზით გაამდიდრა. ამ მეთოდმა შესაძლებელი გახადა წყლის ექსპორტი საზღვარგარეთ.

1904 წ. შესაძლებელი გახდა „ბორჯომის“ ჩამოსხმის მექანიზება.

1905 წ. წარმოების აწყობის შემდეგ „ბორჯომის“ ექსპორტის მაჩვენებელი 320 ათას ბოთლს აღწევს.

1907 წ. „ბორჯომი“ ქ. სპასში (ბელგია) იღებს დიპლომს.

1909 წ. „ბორჯომს“ ოქროს მედლით აჯილდოვებენ ქ. ყაზანში.

1911 წ. „ბორჯომს“ გადაეცა საპატიო სიგელი ქ. დრეზდენში (გერმანია).

1921 წ. ბორჯომს ენიჭება ქალაქის სტატუსი.

საინტერესო ფაქტები

პირველი მცდემლობა „ბორჯომის“ ჩამოსხმისა 1850 წელს განხორციელდა. ბორჯომის სამხედრო პოლკის აფთიაქარმა ზახაროვმა ის 1300 ბოთლში ჩამოასხა და ქალაქში ჩაიტანა გასაყიდად.

საბჭოთა პერიოდი

1953 წ. იმ ადგილთან ახლოს, სადაც 1890 წელს მიხეილ რომანოვმა პირველი ჩამომსხმელი ქარხანა ააშენა, შენდება ახალი, თანამედროვე ჩამომსხმელი ქარხანა N1.

1961წ. „ბორჯომის“ ექსპორტმა მსოფლიო 15 ქვეყანაში 423 ათასი ბოთლი შეადგინა.

1969 წ. აშენდა ჩამომსხმელი ქარხანა N2.

1980-1990-იანი წლებში „ბორჯომის“ გაყიდვებმა რეკორდულ მაჩვენებელს - წელიწადში 400 მლნ. ბოთლს მიაღწია.

საინტერესო ფაქტები

1900 წელს „ბორჯომის“ მინერალური წყლის წარმოებამ პირველად გადააჭარბა წელიწადში ერთ მილიონ ბოთლს.

130 წლის იუბილესთვის

თქვენ წინაშეა ლეგენდარული ბრენდის ბრწყინვალე ისტორია, რომელმაც მოახერხა და გახდა საქართველოს სავიზიტო ბარათი მთელ მსოფლიოში. როგორც ხედავთ, იცვლებოდა ეპოქა, გემოვნება, მოდა, მმართველები და ასევე, უნიკალური შემადგენლობის მქონე „ბორჯომის“ წყლის შეფუთვაც. ერთადერთი, რაც არ შეცვლილა „ბორჯომის“ ისტორიის მანძლზე, ეს მისი უნიკალური მინერალური შემადგენლობაა. დღეს „ბორჯომი“ გაცილებით მეტი მნიშვნელობის მატარებელია, ვიდრე ჩვეულებრივი მინერალურ წყალი. იგი, ყოველგვარი გადაჭარბების გარეშე შეიძლება ჩაითვალოს ერის სიმბოლოდ, საქართველოს სიამაყის საგნად, ქართული სტუმართმოყვარეობის სინონიმად. „ბორჯომი“ ქართული სუფრის განუყოფელი ატრიბუტია. მას იცნობენ და უყვართ მსოფლიოს ბევრ ქვეყანაში. იმოგზაურეთ „ბორჯომთან“ ერთად მის ისტორიაში, იმ ვებ გვერდის საშუალებით, რომელიც „ბორჯომის“ 130 წლის იუბილესთან დაკავშირებით შეიქმნა, იგრძენით და გაითავისეთ ყველა ეპოქა, დატკბით ამ უნიკალური მინერალური წყლით, შეიგრძენით თბილისის პუსლი, ისიამოვნეთ სანახაობით!

თანამედროვე პერიოდი

1995 წ. იწყება „ბორჯომის“ განვითარების ახალი ერა. მოზიდულია ახალი ინვესტიციები წარმოების ამუშავებისა და ბრენდის განვითარების მიზნით.

1997 წ. მოხდა N1 და N2 ქარხნების მოდერნიზება. კომპანიის მფლობელობაში გადავიდა ბორჯომიდან 30 კმ-ში მდებარე ხაშურის მინის ტარის ქარხანა, რომელიც აგრეთვე გადაიარაღდა და განახლდა.

1998 წ. N2 ქარხანაში დაიწყო „ბორჯომის“ მინერალური წყლის PET ბოთლებში ჩამოსხმა.

1999 წ. N2 ქარხანაში გაიხსნა არაგაზირებული მინერალური წყლის „ბორჯომის წყაროების“ საწარმო.

2002წ. N2 ქარხანაში დაიწყეს არაგაზირებული მინერალური წყლის „ბაკურიანის“ ჯერ 5-ლიტრიან და შემდეგ 2008 წელს, 6-ლიტრიან ბოთლებში.

2004 წ. დაიწყო ქარხნების მოდერნიზების მეორე ეტაპი. გაეშვა ახალი ევროპული ჩამომსხმელი ხაზები. ჩატარდა ქარხნის შენობისა და საწყობების სარეკონსტრუქციო სამუშაოები.

2005 წ. „ბორჯომის“ წარმოებამ 200 მლნ. ბოთლს მიაღწია.

2007 წ. ცნობილმა საერთაშორისო სასერტიფიკაციო კომპანიამ Bureau Veritas ჩაატარა ჩამომსხმელი ქარხნების აუდიტი, რომლის შედეგადაც „ბორჯომის“ ჩამომსხმელ ქარხნებს წარმოების ხარისხისა და უსაფრთხოების საერთაშორისო სერთიფიკატი - ISO 22000 მიენიჭა.

2011 წელს „ბორჯომი“ მსოფლიოს 40 ქვეყანაში გადის ექსპორტზე.

2011 წელს კომპანია IDS ბორჯომი საქართველო ბრენდით „ბორჯომი“ დსთ-სა და ბალტიისპირეთის სივრცეში იმპორტირებული მინერალური წყლის სეგმენტის უცვლელი ლიდერია.

2016 წ. კომპანიამ 5 მილიონი დოლარის რეინვესტირება მოახდინა № 1 ქარხანაში სადაც დამონტაჟდა „ბორჯომის“ ქილებში ჩამოსასხმელი ხაზი. ამ დანადგარების მომწოდებელია იტალიური კომპანია CFT.

2017 წ. № 1 ქარხანაში დაიწყეს „ბორჯომის“ ჩამოსხმა ინოვაციურ შეფუთვაში -ალუმინის ქილა, მოცულობით 0.33.

საინტერესო ფაქტები

1980 წელს „ბორჯომი“ პირველი ბრენდი გახდა, რომლის წითელ-თეთრი ეტიკეტი აბსოლუტურად ცნობადი იყო მთელი საბჭოთა კავშირის ტერიტორიაზე. ყოველდღიურად იყიდებოდა მილიონამდე ნახევარლიტრიანი ბოთლი, ხოლო წარმოების წლიურმა მაჩვენებელმა რეკორდულ ნიშნულს - 400 მილიონ ბოთლს მიაღწია. „ბორჯომი“ არა მარტო პოპულარული წყალი გახდა, არამედ მთელი ქვეყნის ისტორიის ნაწილად იქცა.

საინტერესო ფაქტები

დღეს „ბორჯომს“ იმავე წყაროდან მოიპოვებენ, რომელიდანაც 1890 წელს. მინერალური წყალი მიწის სიღრმიდან ამოსვლის დროს საშუალოდ 2000 კილომეტრს გადის.