ხარისხის მართვა

„ბორჯომის“ ჩამოსასხმელი ქარხნები მთლიანად ავტომატიზირებულია. თანამედროვე ტექნოლოგიები და დანადგარების სიმძლავრე კი იძლევა საშუალებას, რომ მოპოვებული მინერალური წყლის რაოდენობა მთლიანად იყოს ათვისებული. ქარხანაში ყველა პროცედურა მკაცრად კონტროლდება, მოწმდება პროდუქტის ხარისხი, ბორჯომის წყაროდან შემოსული წყლის სისუფთავე. ამისთვის შექმნილია თანამედროვე ქიმიური და მიკრობიოლოგიური ლაბორატორიების კომპლექსი. ყველა ანალიზი ტარდება ევროკომისიის დირექტივების და მოთხოვნების შესაბამისად, რომლებიც სასმელ და მინერალურ წყლებს ეხება.